Fáilte chuig ClubLeabhar.com
Tá sé mar aidhm ag an gclub léitheoirí in Éirinn agus thar lear a spreagadh agus a thabhairt le chéile chun leabhair a léamh agus a phlé.
Bí i do bhall
Leabhar na Míosa
Tír Bheag
Antain Mac LochlainnAistriúcháin ar an saothar chlúitúil sa bhFraincís, 'Petit Pays' de chuid an scríbhneora Gaël Faye, is ea 'Tír Bheag' le Antain Mac Lochlainn. Tá Gabriel óg beag beann ar an teannas polaitiúil ina thimpeall. Caitheann sé féin agus a chairde a gcuid laethanta ag spaisteoireacht, ag snámh san abhainn agus ag goid mangónna agus toitíní, faic na fríde ag cur isteach orthu. Ach tá stoirm ag bagairt ar an taobh thall den teorainn i Ruanda, tír dhúchais mháthair Gaby, agus ní fada go gcuirfidh cogadh cathartha agus cinedhíothú deireadh go deo le soineantacht an bhuachalla óig. Súil siar chumhachtach is ea 'Tír Bheag' ar eachtra mhór stairiúil de chuid na nóchaidí, súil siar a tharraingíonn ar thaithí phearsanta an údair féin.
Tuilleadh eolaisConas a oibríonn sé?
An mhí seo
Leabhar na Míosa
Tír Bheag
Antain Mac LochlainnAistriúcháin ar an saothar chlúitúil sa bhFraincís, 'Petit Pays' de chuid an scríbhneora Gaël Faye, is ea 'Tír Bheag' le Antain Mac Lochlainn. Tá Gabriel óg beag beann ar an teannas polaitiúil ina thimpeall. Caitheann sé féin agus a chairde a gcuid laethanta ag spaisteoireacht, ag snámh san abhainn agus ag goid mangónna agus toitíní, faic na fríde ag cur isteach orthu. Ach tá stoirm ag bagairt ar an taobh thall den teorainn i Ruanda, tír dhúchais mháthair Gaby, agus ní fada go gcuirfidh cogadh cathartha agus cinedhíothú deireadh go deo le soineantacht an bhuachalla óig. Súil siar chumhachtach is ea 'Tír Bheag' ar eachtra mhór stairiúil de chuid na nóchaidí, súil siar a tharraingíonn ar thaithí phearsanta an údair féin.
Tuilleadh eolaisÚdar na míosa
Antain Mac Lochlainn
Rugadh Antain Mac Lochlainn i gCúil Raithin, Contae Dhoire i 1965. Tá BA agus PhD sa Léann Éireannach aige ó Ollscoil Uladh ar an mbaile sin. Tréimhsí caite aige le Foinse, Bord na Gaeilge agus RTÉ. Tá sé anois ina Phríomhtheagascóir san Ard-Dioplóma san Aistriúchán, Ollscoil na hÉireann, Má Nuad. D'fhoilsigh Cois Life treoirleabhar leis faoi cheird an aistriúcháin, Cuir Gaeilge Air (2000). Tá duaiseanna agus sparánachtaí bainte ag a shaothar fiscin ón gComhairle Ealaíon, Seachtain na Scríbhneoirí, Oireachtas na Gaeilge, Comórtas Gearrscéalta Francis McManus RTÉ. Bhí a chéad úrscéal, Ruball an Éin (Cló Iar-Chonnachta, 2005), gearrliostaithe do Dhuaiseanna Glen-Dimplex 2006. Foilsíodh Malairt Scéil, Nuascéalaíocht ó Albain i 2006 (Cois Life).
Leabhair le Antain Mac LochlainnImeacht na míosa
Gradaim Leabhar An Post 2024
27 Samhain 2024
Gach bliain, tugtar aitheantas don leabhar Gaeilge is fearr ag Gradaim Leabhar An Post, atá urraithe ag Love Leabhar Gaeilge.
Tuilleadh eolaisFaoin gclub
Tá sé mar aidhm ag ClubLeabhar.com daoine in Éirinn agus i dtíortha eile ar fud an domhain a spreagadh agus a thabhairt le chéile chun leabhair Ghaeilge a léamh agus a phlé.
Is féidir le daoine aonair ballraíocht a ghlacadh sa chlub leabhar seo agus a bheith páirteach sa phlé ar líne ach tá sé mar aidhm againn freisin na baill a spreagadh le teacht le chéile ar an láthair in ionaid éagsúla chun leabhar na míosa a phlé. Cuireann ClubLeabhar.com eolas agus acmhainní ar fáil (sleachta agus gluaiseanna) le tacú leis an duine aonair agus le clubanna leabhar áitiúla.
Is tionscadal de chuid Gaelchultúr é ClubLeabhar.com atá maoinithe ag Foras na Gaeilge.
Bí i do bhallAg cothú pobal léitheoireachta Gaeilge.
Bí i do bhall den chlub ar líne, eagraigh club áitiúil, buail le léitheoirí craosacha eile agus roinn do chuid tuairimí agus moltaí.
