Leabhar mhí an Mheithimh 2012

Bí páirteach sa phlé ar an leabhar seo:

Meitheamh 2012

Ólann mo Mhiúil as an nGainséis

Gabriel Rosenstock

Rud annamh i litríocht na Gaeilge is ea an leabhar taistil, agus sa leabhar seo insítear scéal aistear Gabriel agus a mhná go Dubai, an India, Hong Cong, an tSeapáin, an Astráil, an tSile agus na Stáit Aontaithe. Tá an-ghreann ag baint le cuid mhór de scéalta Gabriel - an ceann faoin bhfear díolta seodra agus a aimitis álainn, cuir i gcás, faoin miúil a chuireann crúb ina bhás féin agus faoin 39 milliún dia atá ag cur fúthu i Mumbai. Tugann sé le fios dúinn go ndéanfaidh mún asail maitheas dóibh siúd a bhfuil galar meabhrach orthu, fiafraíonn sé dínn an treise a bhadhró ná an khanjar (miodóg fhada ghéar) agus cuireann sé síos ar mhuc ardnósach i Mumbai a shíleann gur bó bheannaithe í! Mar aon leis an ngreann, tá codanna den leabhar atá fealsúnach agus fileata. Maíonn an t-údar go gcaithfear soiscéal na síochána a scaipeadh, agus ní dhéanann a thuras go Hiroshima ach treisiú ar an tuairim sin. Déantar trácht sa leabhar chomh maith ar na cosúlachtaí idir cultúr na hÉireann agus cultúir na dtíortha eile atá faoi chaibidil, go háirithe cultúr an India. Scríobhann Rosenstock filíocht i stíl Haiku na Seapáine agus tá go leor de na dánta trí líne seo a spreag a chuid taistil le fáil sa leabhar, mar aon le smaointe an lae.

Gluais don leabhar Sliocht ón leabhar
* Ar fáil do bhaill chláraithe amháin

Cá gceannóidh mé an leabhar seo
Ceannaigh an leabhar ar líne ar Siopa.ie

Leabhair mholta

Flaitheas

Proinsias Mac a Bhaird

Ógánach é Criomhthann. Cé go bhfuil saol na n-uasal i ndán dó, ceistíonn sé an chinniúint atá leagtha amach dó. Ach de bharr thragóid phearsanta, treoraítear é le saol de chineál eile a lorg — agus ní gan stró a thabharfaidh sé faoin aistear nua sin. Scéal Gach Duine Againn Seo scéal a thugann radharc dúinn ar Cholm Cille an duine, duine a raibh a chuid laigí féin aige agus a raibh constaicí go leor le sárú aige. Tumtar sinn i saol éiginnte an séú haois, tráth a raibh athruithe móra ag teacht ar shaol na ndaoine; tráth a raibh ríthe uaillmhianacha in adharca a chéile; tráth a raibh seansaol na págántachta ag géilleadh don Chríostaíocht. An Naomh a Dhuiniú seachas an Duine a Naomhú Insíonn Flaitheas scéal an duine atá ag iarraidh ciall a bhaint as an saol corrach, scéal an duine ag streachailt leis an gcinniúint, scéal an duine a dhéanann botúin ach atá ar a dhícheall an rud ceart a dhéanamh dó féin agus do na daoine thart air. Scéal gach duine againn.

Heartstopper

Beirt bhuachaillí. Cairdeas. Ansin, grá. Scéal mór-ráchairte LADTA+ faoin saol, faoin ngrá agus faoi gach uile rud idir eatarthu. Tá Charlie agus Nick ag freastal ar an scoil chéanna, ach níl aon aithne acu ar a chéile – go dtí an lá gur gá dóibh suí in aice lena chéile. Tá siad mór lena chéile láithreach agus ní fada go dtosaíonn Charlie ag titim i ngrá lena chara nua. Níl ach fadhb amháin ann: níl seans dá laghad ann go mbraitheann Nick an bealach céanna faoi Charlie… nó an bhfuil? Scríofa agus maisithe ag Alice Oseman. Aistrithe ag Eoin McEvoy.

Múscail, a Ghiorria

Eithne Ní Ghallchobhair

Scéalaíocht fhileata le Eithne Ní Ghallchobhair.

Béal na Péiste

Fionntán de Brún

Nuair a thuirlingíonn eitilt Réamainn Prút i mBéal Feirste in 1988, tá sé ag filleadh ar a bhaile dúchais ina strainséir. Cuireann sé sonrú sna fógraí móra a fheiceann sé d’uimhir fóin rúnda na bpéas, seirbhís lena dtig sceitheadh ar lucht sceimhlitheoireachta agus ualach a bhaint de do choinsias. Ach tá Réamann ag cuimhneamh ar a óige agus ar an deilín a bhíodh ag na seanmóirithe sráide tráth: Come listen to my tale of Jonah and the whale; Way down in the middle of the ocean! Cuimhníonn sé fosta ar oíche chinniúnach i mí na Nollag 1942. An oíche ar léim sé amach as eitleán Gearmánach ar chósta Chontae an Dúin go ndearna a bhealach go dtí teach a thuismitheoirí tríd an dúdhorchadas. Bhuaigh an saothair seo duais i gComórtais Liteartha an Oireachtais 2022.

Madame Lazarre

Tadhg Mac Dhonnagáin

Ó bhí sí ina páiste óg, tá Levana bródúil as a dúchas Giúdach agus as na mná láidre a chuaigh roimpi. Duine acu sin í Hana Lazare, seanmháthair Levana, a theith ina cailín óg di óna tír dhúchais i dtuaisceart na hEorpa, an t-aon duine amháin dá muintir a tháinig slán ó shlad an Shoah. Ach nuair a thagann mearbhall intinne ar Hana i ndeireadh a saoil, sceitheann blúirí eolais óna béal a fhágann Levana trína chéile. Seoltar an bhean óg ar aistear a thugann uirthi gach rud a dúirt a seanmháthair riamh léi a cheistiú. De réir mar a ghluaiseann an scéal ó Pháras go dtí an Bhruiséil go hiarthar na hÉireann, druideann Levana le fíorscéal a seanmháthar agus leis an tubaiste ba chúis leis an saol rúnda atá caite ag Madame Lazare.

Beatha Phí (Life of Pi)

Aistriúchán Gaeilge ar Life of Pi le Yann Martel.