Is ainmneacha cleite Brian Ó Nolan iad Myles na gCopaleen agus Flann O’Brien. Rugadh Brian O’Nolan ar an Srath Bán sa bhliain 1911. Thosaigh sé ag scríobh agus é ina mhac léinn sa Choláiste Ollscoile, Baile Átha Cliath. Fuair sé post mar státseirbhíseach tar éis dó a chéim a bhaint amach. Ar feadh cúig bliana is fiche, scríobh sé colún darbh ainm The Cruiskeen Lawn don Irish Times. Bhain sé clú amach mar cháinte sa cholún sin. Scríobhadh an colún sin as Gaeilge ar dtús, ach de réir a chéile thosaigh sé ag scríobh i mBéarla. Tá an cháil atá air mar scríbhneoir bunaithe den chuid is mó ar dhá shaothar iar-nua-aimseartha, At-Swim-Two-Birds (1939) agus The Third Policeman (1967) a foilsíodh tar éis a bháis. Fuair sé bás ón ngalar ailse sa bhliain 1966.